Guía DocenteCurso
Escola Politécnica Superior
  Inicio | galego | castellano | english | A A A |  
Grao en enxeñaría en Tecnoloxías Industriais
 Asignaturas
  Industria Intelixente. IIoT
   Avaliación
Metodoloxías Competencias Descrición Cualificación
Prácticas de laboratorio B5 B7 B9 Consistirá na recompilación de todas as prácticas de laboratorio realizadas durante o curso. Estas deberán realizarse no tempo asignado ás clases prácticas, e entregaranse ao final das mesmas. Durante a súa realización, o alumno pode expor dúbidas ao profesor ou consultar os materiais que estime oportuno. Por tanto, esta actividade avaliará o traballo diario do alumno nas clases prácticas.

Criterios xerais de avaliación:
* Traballo e esforzo realizado polo alumno durante as clases.
* Adecuación das solucións realizadas para cada exercicio.

Nomenclatura empregada na sección de observacións para esta actividade:
PL: nota obtida nos exercicios realizados nas clases prácticas de laboratorio (6% da nota final). 		6
Proba mixta B7 Proba de avaliación que se realizará nas correspondentes oportunidades das convocatorias oficiais. Consistirá nunha proba escrita con preguntas moi breves e / ou de tipo test, coa finalidade de comprobar o afianzamento dos conceptos teóricos máis importantes vistos na materia.

Criterios de avaliación xerais:
* Respostas correctas.

Nomenclatura empregada na sección de observacións para esta actividade:
PM: nota obtida nesta proba (30% da nota final). 		30
Solución de problemas B5 B7 B9 C4 Prácticas de laboratorio máis abertas e complexas que poderán abarcar máis dunha semana. Dependendo da práctica, esta realizarase integramente no laboratorio ou dependerá do estudo dalgunha alternativa por parte do alumno fose da aula. Será imprescindible entregar as prácticas en tempo e forma seguindo as pautas específicas do enunciado publicado en cada caso.

Criterios xerais de avaliación:

* Adecuación dos exercicios entregados ás pautas expostas no enunciado.
* Calidade e eficiencia da solución exposta polo alumno.
* Respostas adecuadas ás preguntas na presentación de conclusións da práctica.

Nomenclatura empregada na sección de observacións para esta actividade:
SP: nota obtida no total dos exercicios que deben de realizar seguindo esta metodoloxía (24% da nota final). 		24
Traballos tutelados B5 B7 B9 C4 C6 Traballo autónomo en grupos reducidos. Será necesario entregar os materiais (documento e presentación) en tempo e forma seguindo as indicacións do enunciado. Ademais, requirirá a exposición oral por parte de todos os integrantes do grupo de traballo, empregando para iso a presentación entregada. A non realización da presentación supoñerá unha nota de cero nesta actividade.

Criterios xerais de avaliación:
* Claridade, extensión e calidade da memoria do traballo.
* Claridade e calidade da exposición oral do traballo.
* Dominio do tema e adecuación das contestacións do alumno ás preguntas do profesor na sesión de exposición.
* Asistencia e aproveitamento das titorías de seguimento.

Nomenclatura empregada na sección de observacións para esta actividade:
TT: nota obtida no traballo tutelado (40% da nota final). 		40
 
Observacións avaliación
Para poder aprobar a materia o estudante deberá cumprir os seguintes requisitos (puntuación entre 0 e 10 en todas as actividades):

1) Que a nota ao calcular a suma ponderada (0,06* PL + 0,24* SP) dos dous tipos de prácticas de laboratorio sexa maior ou igual que 1,5.

2) Que a nota no traballo tutelado sexa maior ou igual que 5.

3) Que a nota na proba mixta sexa maior ou igual que 5.

Se non se cumpren todos os requisitos anteriores a  cualificación será de suspenso e a nota numérica máxima que se poderá obter, na oportunidade correspondente, será de 4,5 puntos. Se se cumpren os requisitos esixidos, a nota final calcularase da seguinte forma:

NOTA FINAL = 0,06× PL + 0,24* SP + 0,4* TT + 0,3* PM

Aínda que a asistencia ás clases non é obrigatoria, o primeiro requisito converte en moi difícil aprobar a materia se o número de ausencias ás clases no laboratorio é elevado.

No caso dos alumnos matriculados a tempo parcial, dependendo das circunstancias e se os profesores considérano necesario, a parte da puntuación das diferentes prácticas de laboratorio poderá pasarse ao traballo tutelado, a cambio da obrigación da existencia dunha titoría cada semana para garantir o correcto aproveitamento da materia.

Notas sobre as actividades:

- Todas as actividades terán unha única oportunidade para a súa entrega durante o curso académico, salvo a proba mixta que terá dúas oportunidades oficiais de exame. Por tanto, as notas obtidas durante o curso nas prácticas e no traballo tutelado gárdanse para a oportunidade de xullo, NON SENDO POSIBLE REPETILAS.

- De acordo ao artigo 14, apartados 1 e 3 da normativa*, a copia ou intento de copia (ou calquera comportamento impropio) durante unha proba implicará a  cualificación de suspenso cun 0 nas dúas oportunidades da convocatoria anual.

- De acordo ao artigo 14, apartado 4 da mesma normativa, o plaxio de calquera traballo implicará a  cualificación de suspenso cun 0 no devandito traballo.

* Normativa de avaliación, revisión e reclamación das cualificacións dos estudos de grao e máster universitario, cuxa última versión é do 29 de xuño de 2017.
Universidade da Coruña - Rúa Maestranza 9, 15001 A Coruña - Tel. +34 981 16 70 00  Soporte Guías Docentes