Durante o Practicum 3, o alumno asume o último bloque das súas prácticas preprofesionais. Estas prácticas desenvólvense na Clínica Universitaria de Podoloxía (CUP) e nos Servizos Clínicos do Complexo Hospitalario Universitario de Ferrol para que o estudante incorpore á súa formación as competencias e valores profesionais fundamentais para o exercicio da súa profesión. O bloque práctico supón unha participación activa do alumno no proceso asistencial, sempre baixo a supervisión do profesorado. Durante as mesmas poderán desenvolverse outras actividades en forma de seminarios ou sesións clínicas nas que se abordarán contidos e habilidades relacionados coa práctica clínica, como o estudo e discusión de casos, a interpretación de probas complementarias ou a elaboración de informes. Antes do inicio das prácticas clínicas porase a disposición do alumno un anexo desta guía no que se detallarán aspectos relacionados coa planificación, metodoloxía e avaliación da materia.
*A materia Practicum 3 é unha materia en extinción (sen docencia asignada) da práctica asistencial clínica na que o alumnado ten a obriga de asistir a ditas prácticas para ser avaliado mediante avaliación continua. Por este motivo, non existe a posibilidade de cursar e aprobar o Prácticum do plan de estudos 2009, sendo obrigatorio cursar a materia do plan de estudos 2019.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
