A materia PSICOLOXÍA
APLICADA E SAÚDE consta de 3 BLOQUES:

-      PSICOLOXÍA (4 ECTs)

-      SAÚDE PÚBLICA (1,5 ECTs)

-      DESIGUALDADES EN
SAÚDE (0,5 ECTs)

AVALIACIÓN EN 1ª OPORTUNIDADE

As diferentes partes da materia serán cualificadas
de forma independente, obtendo en cada unha delas unha puntuación entre 0 e
10 puntos.

¡¡¡IMPORTANTE!!! Para superar a
materia é necesario superar tanto a parte de Psicoloxía como a de Saúde
Pública, de acordo cos criterios establecidos polo/a profesor/a
correspondente, así como participar nos obradoiros relativos ós contidos de
Desigualdades en Saúde.

No caso de que non se supere unha das partes, a nota que
figurará na acta será a cualificación obtida tras a ponderación de cada
parte, si esta é inferior a 5 puntos; en outro caso a nota que figurará
será de 4.

A cualificación final da materia calcularase ponderando
a cualificación obtida en cada unha das tres partes, segundo as seguintes
porcentaxes:

Nota final = 0,6 x Nota
Psicoloxía + 0,3 x Nota Saúde Pública + 0,1 x Nota Desigualdades Saúde

Por limitacións da plataforma, o contido deste
apartado é orientativo. Nos primeiros días de clase cada profesor/a comentará como
se realizará a avaliación de cada parte parte.

Criterios de avaliación para as unidades didácticas de
Psicoloxía

A cualificación final da parte da materia que
corresponde a contidos de Psicoloxía calcularase segundo as seguintes
porcentaxes:

- Proba test (70%): Para superar o bloque
de Psicoloxía, será imprescindible superar o test, cun mínimo de 5 puntos sobre
10.

- Estudios de casos
(15%)

- Traballos tutelados
(15%)

Criterios de avaliación para as unidades didácticas de
Saúde Pública

A cualificación deste bloque calcularase segundo as
seguintes porcentaxes:

-  Proba test (50%): Realizarase unha
proba obxectiva na data oficial do exame da materia. A proba constará de
preguntas tipo test relacionadas cos contidos teóricos, as lecturas propostas e
os problemas expostos no desenvolvemento da materia.

-  Solución de problemas
(50%): formulación aos alumnos de casos prácticos que deben
resolver facendo uso dos coñecementos teóricos que se traballan na materia, e
cuxa entrega será puntuable nos casos nos que así se indique.

A puntuación mínima
para superar esta parte da materia será de 5 puntos, sendo imprescindible obter
4 puntos ou máis na proba test.

Criterios de avaliación para as unidades didácticas de
Desigualdades en Saúde

A cualificación desta parte da materia corresponderá á
participación nos obradoiros que se realizarán sobre os contidos desenvolvidos.

2ª OPORTUNIDADE

O sistema de avaliación descrito será o mesmo en 1ª e 2ª oportunidade. Na
2ª oportunidade manteranse aprobadas as partes que se teñan superadas na 1ª
oportunidade dentro da mesma convocatoria.

Para o bloque de Saúde Pública, as/os alumnas/os
de segunda oportunidade poderán elixir o sistema de avaliación descrito para a
primeira oportunidade (sempre que entregasen en prazo as actividades académicas
deseñadas para ese curso académico) ou a avaliación mediante un exame único que
representará o 100% da nota final desta parte da materia.

2ª MATRÍCULA E SUCESIVAS

En segunda e sucesivas matrículas non computarán as
cualificacións dos cursos anteriores. O sistema de avaliación descrito
será o mesmo que para a estudantes de 1ª convocatoria.

MATRÍCULA DE HONRA

Poderán optar á cualificación de Matrícula de Honra
aqueles/as alumnos/as coas cualificacións máis elevadas que obteñan unha nota
final por encima de 9. Os docentes da materia poderán considerar criterios adicionais
en caso de igualdade de condicións e habendo máis aspirantes que matrículas.

NON PRESENTADO

A cualificación de Non Presentado corresponderá ao estudante que non se
presente a ningunha das probas test programadas na parte de Psicoloxía ou na
parte de Saúde Pública.

MATRÍCULA PARCIAL OU DISPENSA ACADÉMICA

As/os/ alumnas/os de matrícula parcial ou dispensa
académica de asistencia deberán poñerse en contacto cos docentes responsables
da materia ao comezo do curso. O sistema de avaliación será o mesmo que o
descrito anteriormente.

OPORTUNIDADE ADIANTADA

Os/As alumnos/as deberán
examinarse por escrito a través dun exame que se corresponderá coas datas
oficiais aprobadas en Xunta de Facultade

FRAUDE

A realización fraudulenta dás
probas ou actividades de avaliación continua, unha vez comprobada, implicará
directamente a cualificación de suspenso "0" en dita proba ou
actividade na oportunidade correspondente, invalidando a súa cualificación
tamén para oportunidades sucesivas

SICUE, ERASMUS e BILATERAL

O alumnado nesta situación deberá poñerse en contacto cos
docentes ao comezo das distintas partes da materia. Deberán realizar a
avaliación continua no tempo e forma que se lles solicite para ser avaliados. O
sistema de avaliación é igual ao descrito en matrícula ordinaria.