Para os estudantes matriculados de forma ordinaria, o 40% da avaliación da materia depende, tal como se indica na táboa, tanto do exame mixto, realizado por escrito e que combina preguntas de diferente natureza e alcance. Outro 40% corresponderá á elaboración e presentación de traballos de estudo de casos. Resérvase un 10% da cualificación para a avaliación continua das sesións maxistrais e interactivas. O 10% final corresponderá á avaliación continua das sesións prácticas.

Para aprobar a materia será necesario cumprir coas seguintes condicións:

Ter asistido a un mínimo do 70% das sesións prácticas. A estes efectos, non se terán en conta as ausencias debidamente xustificadas por cuestións de saúde.

Únicamente se contempla a posibilidade dun 20% de faltas de asistencia a sesións prácticas sen achegar a correspondente xustificación.

Obter unha cualificación superior a 5 puntos sobre 10 no exame ou proba mixta. Este exame terá, en xeral, un tempo máximo de execución de 1 hora.

Asignarase a cualificación de "Non Presentado" aos estudantes que non se presenten ao exame ou proba mixta, independentemente de que se conserve a cualificación obtida na avaliación continua do bloque práctico e interactivo, así como no estudo de casos.

MATRÍCULA A TEMPO PARCIAL: non se contemplan metodoloxías docentes nin sistemas de avaliación diferentes para o alumnado con matrícula a tempo parcial.

DISPENSA ACADÉMICA: dado o carácter práctico, aplicado e con orientación clínica da materia, non se contempla a posibilidade de dispensa académica que exima ao alumnado da asistencia ás sesións prácticas e de seminario/interactivas.

SEGUNDA OPORTUNIDADE: non se contemplan metodoloxías de avaliación diferentes para a segunda oportunidade.

SEGUNDA MATRÍCULA: para os estudantes de segunda matrícula e posteriores, incluíndo a oportunidade anticipada, poderase conservar previa solicitude a cualificación obtida nos apartados de avaliación continua do bloque práctico e interactivo, así como no estudo de casos, sempre que estas resultasen aprobadas en cursos académicos anteriores. No caso contrario, ditos apartados serán avaliados a través dun exame práctico que terá un valor igual ao 60% da cualificación da materia.

MATRÍCULA DE HONRA: os estudantes que obteñan unha cualificación igual ou superior a 9/10 poderán optar á mención de Matrícula de Honra, de acordo cos límites establecidos no artigo 21 das "Normas de avaliación, revisión e reclamación das cualificacións dos estudos de grao e máster universitario" da UDC. A matrícula de honra será outorgada en todo caso ás cualificacións globais máis altas.

PLAXIO: na realización dos traballos da materia, o plaxio e a utilización de material non orixinal, incluído aquel obtido a través da internet, sen indicación expresa da súa orixe e, se é o caso, o permiso do seu autor/a, será cualificado con suspenso (0,0) na actividade. Todo iso sen prexuízo das responsabilidades disciplinarias ás que puidese haber lugar tras o correspondente procedemento. A realización fraudulenta das probas ou actividades de avaliación, unha vez comprobada, implicará directamente a cualificación de suspenso na convocatoria en que se cometa: o/a estudante será cualificado con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario.