Para o correcto desenvolvemento desta materia será necesario que o alumno traia o seu ordenador portátil á aula.

Para superar a materia é imprescindible a asistencia ás prácticas, ter acadado unha nota igual ou superior na proba mixta de 4 sobre 10 e que a media de todos os apartados sexa igual ou superior á metade da avaliación total. No caso de non acadar o mínimo na nota da proba mixta, non se supera a materia, outorgando a nota proporcional desta proba non superada na avaliación final e deberá recuperar a parte suspensa na seguinte convocatoria de avaliación.

Non se recuperarán prácticas que non fosen debidamente xustificadas segundo a normativa académica.

Calquera indicio de copia, falsificación ou plaxio en calquera das partes da materia será causa de falla na materia cunha nota numérica de 0.

Calquera falta de disciplina ou comportamento será motivo de expulsión da aula e suporá o suspenso da materia cunha nota numérica de 0.

O estudante que non teña máis de 12 créditos pendentes, de materias nas que xa estivese matriculado nun curso académico, ou 18 créditos correspondentes a prácticas, ademais do TFG, para finalizar os seus estudos poderá cursar unha oportunidade de avaliación anticipada. que terán lugar antes do remate das actividades académicas do 1o cuadrimestre, naquelas datas establecidas no calendario académico aprobado polo Consello de Goberno. Deste xeito, avaliarase mediante unha proba tipo test de contidos teórico-prácticos segundo o programa da materia.

Os estudantes con matrícula parcial ou dispensa académica, poderán realizar as actividades avaliables das clases maxistrais e seminarios de forma individual e remota. A asistencia ás prácticas de laboratorio seguirá sendo un requisito indispensable para superar a materia.

2ª convocatoria. O alumnado presentado para a 2a oportunidade conservará as notas das distintas metodoloxías avaliadas sempre que participen e superen as distintas actividades.

Aqueles alumnos que cursen as matrículas segundas e posteriores serán avaliados segundo a guía docente e os requisitos docentes e académicos do curso correspondente, sendo responsabilidade do alumnado antes do inicio do curso reunirse co profesorado responsable da materia para establecer e aclarar as dúbidas que poidan xurdir. Lémbrase que cada ano pódense facer modificacións nas materias e o alumnado debe ser consciente deste feito.

O número de Matrículas de Honra establecerase en función do número de alumnos matriculados. Entregaranse Listas de Honra ás mellores cualificacións finais. En caso de empate, realizarase unha proba obxectiva entre os aspirantes.

A cualificación NON PRESENTADA/A obterana aqueles alumnos que non acudan ao exame final nas datas establecidas pola Xunta do Centro.

Oportunidade de avaliación anticipada: O alumnado que se inclúa nos supostos recollidos na normativa de xestión académica da UDC terá esta opción para superar a materia mediante unha proba escrita de características similares ás recollidas no proceso de avaliación, que terá un peso de 100% da nota final