| Descrición xeral |
O Dereito Procesual ten como primeiro e fundamental obxectivo, que os alumnos coñezan as institucións e os conceptos procesuais básicos; que comprendan, sobre todo, o seu significado e alcance, tanto na súa vertente teórica como na súa aplicación práctica. Preténdese, así mesmo, que se familiaricen coa organización xudicial en materia social e o tipo de actividades, que se realizan no seu seo, a partir das diferentes fases en que se divide o proceso. Baixo os principios do respecto e a responsabilidade que como persoa e profesional ten no mundo social.
Esta docencia en Dereito Procesual, realízase desde unha perspectiva de xénero, non é sinónimo de sexo nin de mulleres, é unha ensinanza que considera o sexo e o xénero como variables analíticas e explicativas. Implica prestar atención ás semellanzas e diferenzas nas experiencias, intereses, expectativas, actitudes e comportamentos de mulleres e homes, así como identificar as causas e consecuencias da desigualdade de xénero, para combatela. O ensino con perspectiva de xénero ten en conta tanto as características biolóxicas das persoas (sexo) como as características sociais e culturais de mulleres e homes (xénero). É dicir, o xénero é unha categoría social e un elemento constitutivo das relacións e estruturas sociais que se basea nas xerarquías impostas polas normas e estereotipos sociais que hai que erradicar.
|
Asignaturas
