Notas - Valores en %. A asistencia e participación en clase valórase de forma conxunta (teoría + problemas), cunha puntuación máxima do 5%. Para superar a materia, o alumno deberá alcanzar unha puntuación total superior a cinco puntos (50%), como suma de tódolos conceptos, sen que se teña establecida unha puntuación mínima necesaria en ningún dos conceptos.
Aqueles alumnos que conten con dispensa académica que os exima da asistencia a clase, deberán comunicalo ao profesor a principio de curso e para superar a materia, ademais de presentar o traballo tutelado nos días especificados, deberán realizar unha proba obxectiva específica na data establecida polo Centro, proba que terá unha ponderación do 75% e o traballo o 25% restante.
Os criterios de avaliación da segunda oportunidade son os mesmos cos da primeira.
A entrega dos traballos documentais que se realizarán nesta materia solicitarase en soporte informático.