Guía DocenteCurso
Escola Universitaria Politécnica
  Inicio | galego | castellano | english | A A A |  
Grao en Enxeñaría Eléctrica
 Competencias da titulación


Tipo A Código Competencias da titulación Específicas
  A1 Capacidade para a redacción, firma, desenvolvemento e dirección de proxectos no ámbito da enxeñaría industrial, e en concreto da especialidade de electricidade.
  A2 Capacidade para planificar, presupostar, organizar, dirixir e controlar tarefas, persoas e recursos.
  A3 Capacidade para realizar medicións, cálculos, valoracións, taxacións, peritaxes, estudos e informes.
  A4 Capacidade de xestión da información, manexo e aplicación das especificacións técnicas e da lexislación necesarias no exercicio da profesión.
  A5 Capacidade para analizar e valorar o impacto social e medioambiental das solucións técnicas actuando con ética, responsabilidade profesional e compromiso social, e buscando sempre a calidade e mellora continua.
  A6 Capacidade para a resolución dos problemas matemáticos que se poidan suscitar na enxeñaría. Aptitude para aplicar os coñecementos sobre: álxebra lineal; xeometría; xeometría diferencial; cálculo diferencial e integral; ecuacións diferenciais e en derivadas parciais; métodos numéricos; algorítmica numérica; estatística e optimización.
  A7 Comprender e dominar os conceptos básicos sobre as leis xerais da mecánica, termodinámica, campos e ondas e electromagnetismo e a súa aplicación para resolver problemas propios da enxeñaría.
  A8 Capacidade para comprender e aplicar os principios e coñecementos básicos da química xeral, química orgánica e inorgánica e as súas aplicacións na enxeñaría.
  A9 Capacidade de visión espacial e coñecemento das técnicas de representación gráfica, tanto por métodos tradicionais de xeometría métrica e xeometría descritiva como mediante as aplicacións de deseño asistido por ordenador.
  A10 Coñecementos básicos sobre o uso e programación dos ordenadores, sistemas operativos, bases de datos e programas informáticos con aplicación en enxeñaría.
  A11 Coñecemento adecuado do concepto de empresa, o seu marco institucional e xurídico. Organización e xestión de empresas.
  A12 Coñecementos de termodinámica aplicada e transmisión de calor. Principios básicos e a súa aplicación á resolución de problemas de enxeñaría.
  A13 Coñecer os principios básicos da mecánica de fluídos e a súa aplicación á resolución de problemas no campo da enxeñaría, así como o cálculo de tubaxes, canais e sistemas de fluídos.
  A14 Coñecer os fundamentos da ciencia, tecnoloxía e química de materiais. Comprender a relación entre a microestrutura, a síntese, o procesado e as propiedades dos materiais.
  A15 Coñecer e utilizar os principios da teoría de circuítos e máquinas eléctricas.
  A16 Coñecer os fundamentos da electrónica.
  A17 Coñecer os fundamentos de automatismos e métodos de control.
  A18 Coñecer os principios da teoría de máquinas e mecanismos.
  A19 Coñecer e empregar os principios da resistencia de materiais.
  A20 Coñecementos básicos dos sistemas de produción e fabricación.
  A21 Coñecementos básicos e aplicación de tecnoloxías medioambientais e sostenibilidade.
  A22 Coñecementos aplicados de organización de empresas.
  A23 Coñecementos e capacidades para organizar e xestionar proxectos. Coñecer a estrutura organizativa e as funcións dunha oficina de proxectos.
  A24 Capacidade para o cálculo e deseño de máquinas eléctricas.
  A25 Coñecementos sobre control de máquinas e accionamientos eléctricos e as súas aplicacións.
  A26 Capacidade para o cálculo e deseño de instalacións eléctricas de baixa e media tensión.
  A27 Capacidade para o cálculo e deseño de instalacións eléctricas de alta tensión.
  A28 Capacidade para o cálculo e deseño de liñas eléctricas e de transporte de enerxía eléctrica.
  A29 Coñecer os sistemas eléctricos de potencia e as súas aplicacións.
  A30 Coñecemento aplicado de electrónica de potencia.
  A31 Coñecer os principios da regulación automática e a súa aplicación á automatización industrial.
  A32 Capacidade para o deseño de centrais eléctricas.
  A33 Coñecemento aplicado sobre enerxías renovables.
  A34 Coñecementos e capacidades para aplicar as técnicas de enxeñería gráfica.
  A35 Realización e interpretación de planos normalizados mediante o manexo e utilización da simboloxía, normas e regulamentos máis adecuados.
  A36 Coñecemento e análise das ineficiencias presentes nos sistemas eléctricos debidas a desfasamentos entre tensión e intensidade, fontes e cargas non senoidais, asimetrías e desequilibrios, e as súas posibles solucións.
  A37 Deseñar, calcular as instalacións para a xestión técnica e integración dos diferentes servizos e instalacións que existen nos edificios. Técnicas de control e visualización.
  A38 Coñecer a arquitectura de todas as instalacións que existen nos edificios e a capacidade de control, regulación e integración de todas elas.
  A39 Capacidade para calcular e certificar as instalacións, relacionadas coa especialidade, necesarias para o funcionamento dos servizos esenciais de calquera edificio ou actividade.
  A40 Coñecemento e aplicación da lexislación vixente na obtención e optimización da cualificación enerxética dos edificios.
  A41 Coñecemento aplicado dos sensores e sistemas de medida en contornas industriais.
  A42 Capacidade e coñecemento dos distintos tipos de mantemento industrial, para realizar a súa planificación e aplicar as ferramentas de control e análise de forma correcta.
  A43 Coñecemento aplicado dos polímeros en electricidade.
  A44 Coñecer os principios de funcionamento, esquemas e formas de conexión dos aparellos de medida das magnitudes eléctricas, tanto de forma directa como indirectamente.
  A45 Capacitar ao alumnado para a realización práctica de montaxes de aparellos de medida e dos seus compoñentes, e para o contraste destes.
  A46 Capacidade para a elaboración, presentación e defensa, ante un tribunal universitario, dun exercicio orixinal consistente nun proxecto no ámbito das tecnoloxías específicas da enxeñaría industrial de natureza profesional en que se sinteticen e integren as competencias adquiridas nas ensinanzas.
Tipo B Código Competencias da titulación Transversais
  B1 Capacidade de resolver problemas con iniciativa, toma de decisións, creatividade e razoamento crítico.
  B2 Capacidade de comunicar e transmitir coñecementos, habilidades e destrezas no campo da enxeñaría industrial.
  B3 Capacidade de traballar nun contorno multilingüe e multidisciplinar.
  B4 Capacidade de traballar e aprender de forma autónoma e con iniciativa.
  B5 Capacidade para empregar as técnicas, habilidades e ferramentas da enxeñaría necesarias para a práctica desta.
  B6 Capacidade de usar adecuadamente os recursos de información e aplicar as tecnoloxías da información e as comunicacións na enxeñaría.
  B7 Capacidade para traballar de forma colaborativa e de motivar un grupo de traballo.
Tipo C Código Competencias da titulación Nucleares
  C1 Expresarse correctamente, tanto de forma oral coma escrita, nas linguas oficiais da comunidade autónoma.
  C2 Dominar a expresión e a comprensión de forma oral e escrita dun idioma estranxeiro.
  C3 Utilizar as ferramentas básicas das tecnoloxías da información e as comunicacións (TIC) necesarias para o exercicio da súa profesión e para a aprendizaxe ao longo da súa vida.
  C4 Desenvolverse para o exercicio dunha cidadanía aberta, culta, crítica, comprometida, democrática e solidaria, capaz de analizar a realidade, diagnosticar problemas, formular e implantar solucións baseadas no coñecemento e orientadas ao ben común.
  C5 Entender a importancia da cultura emprendedora e coñecer os medios ao alcance das persoas emprendedoras.
  C6 Valorar criticamente o coñecemento, a tecnoloxía e a información dispoñible para resolver os problemas cos que deben enfrontarse.
  C7 Asumir como profesional e cidadán a importancia da aprendizaxe ao longo da vida.
  C8 Valorar a importancia que ten a investigación, a innovación e o desenvolvemento tecnolóxico no avance socioeconómico e cultural da sociedade.
Universidade da Coruña - Rúa Maestranza 9, 15001 A Coruña - Tel. +34 981 16 70 00  Soporte Guías Docentes