Non se admite a dispensa académica de exención de docencia.

As faltas de ortografía nos traballos e materiais presentados reducirán a puntuación final.

Se no exame final (Proba mixta) non se acada unha nota mínima de 4,5 sobre 10, non se fará media cos traballos e a nota final da materia será a do exame.

Os test de cada un dos temas son
optativos para aqueles que cumpran unha asistencia mínima do 80% das sesións de aula. Se o estudante os realiza no horario estipulado e fixado dende inicio do curso, e a media dos 5 test é igual ou superior
a 5, incrementará ata 1 punto a nota final do estudante, sempre que a
cualificación de cada unha das demais metodoloxías sexa igual ou superior a 5,0
(sobre 10).

Na 2º Oportunidade a avaliación farase do mesmo modo que no exame da 1ª Oportunidade.

O estudante que non
asista presencialmente ao 80% das sesións de aula, non será avaliado mediante o sistema
anterior. Será avaliado mediante un exame final (100%).

Se o estudante non asiste ao 80% das sesións de aula e realiza os traballos programados (traballo tutelado en grupo), este suporá o 20% da cualificación final e o exame o 80% sempre e cando alcance un mínimo de 4,5 puntos sobre 10. Se no exame non se acada un 4,5 para a avaliación non se terán en conta o traballo, soamente contará a cualificación do exame.

Cada estudante debe colocar no seu perfil de usuario de Moodle unha foto que o identifique.

Nos traballos de avaliación que se entreguen, os contidos
incluidos deben estar apropiadamente referenciados ao longo do traballo e no
apartado de referencias usando certas normas. O texto literal debe declararse
usando ditas normas. No parafraseado deben figurar as fontes orixinais das
ideas que se reelaboran. A presencia de fontes científicas no traballo é un
signo de credibilidade que é un requisito imprescindible para demostrar a
excelencia académica.

Recoméndase consultar:

https://www.udc.es/gl/biblioteca/servizos/apoio_investigacion/servizos_apoio/index.html

Tense que evitar o plaxio.

As citas e as referencias a calquera texto debe declararse,
o uso literal do texto ou ideas doutros autores parafraseadas sen declarar a
fonte supón o suspenso do traballo en aplicación do artigo 14.4 da NORMAS DE
AVALIACIÓN, REVISIÓN E RECLAMACIÓN DAS CUALIFICACIÓNS DOS ESTUDOS DE GRAO E
MESTRADO UNIVERSITARIO, aprobada polo Consello de Goberno do 19 de decembro de
2013 e modificada o 29 de xuño de 2017, na que se indica que "na
realización de traballos, o plaxio e a utilización de material non orixinal,
incluído aquel obtido a través de internet, sen indicación expresa da súa
procedencia e, se é o caso, o permiso do seu autor/a, poderá ser considerada
causa de cualificación de suspenso na actividade".