| Plan de continxencia |
1. Modificacións nos contidos
- Non se realizarán cambios.
2. Metodoloxías
*Metodoloxías docentes que se manteñen:
- Sesión Maxistral
- Prácticas de Laboratorio
- Aprendizaxe - Servizo
*Metodoloxías docentes que se modifican:
- Proba mixta
Só no caso excepcional dunha nova situación de confinamento, a única metodoloxía que se modifica nesta materia, na forma de implementala sería a “proba mixta”.
- A proba mixta cambiarase pola metodoloxía de “proba oral” o de “exame escrito online”, segundo as especificacións e dotacións tecnolóxicas dispoñibles no momento.
- Na data establecida para a proba mixta da materia (aprobada en Xunta de Facultade), os docentes indicarán nunha listaxe de estudantes que poden realizar a proba e se lles enviará (cunha antelación suficiente) as instrucións para realizar a proba oral ou exame escrito online, segundo o caso.
- Os docentes realizarán a proba oral con preguntas curtas.
o De facer a proba oral, a duración da proba será de aprox 15 minutos e posibilidade de comentar ao final brevemente cos docentes calquera dúbida xurdida durante a mesma.
o De facer o exame escrito online, o tempo máximo da proba será de 2 horas, e será de tipo sincrónico, debendo conectarse todos estudantes de forma que garantan un correcto funcionamento da proba na sala virtual e estando presente uno ou os dos profesores presentes.
- A plataforma elixida nos dous casos será TEAMS.
- A proba será gravada.
De houber problemas coa conexión dos estudantes, analizarase cada caso e se lle dará unha solución alternativa na hora ou na forma de conexión para realizar a proba.
3. Mecanismos de atención personalizada ao alumnado
Ferramenta Temporalización
MOODLE
Diariamente. Segundo a necesidade do alumando.
Nesta platafomra subiranse os contidos elaborados polos docentes da materia, así como material informativo complementario.
Ademais estableceranse unas tarefas para a entrega dos ficheiros das férulas e productos de apoio deseñados en 3D.
Dispoñen do “foros xeral” da materia, para formular as consultas necesarias.
TEAMS Será a plataforma elixida para realizar as sesións das clases maxistrais, así como as das prácticas de laboratorio.
Semanalmente: 1 hora (clase maxistral) e 1 hora e media sesión de laboratorio.
EMAIL Diariamente. Estará á disposición dos estudantes matriculados, no momento en que eles o precisen, para que se poñan en contacto cos docentes e fagan as consultas que desexen.
STREAM É o espazo na nube no que se ubicarán os vídeos gravados das sesións maxistrais e de laboratorio.
4. Modificacións na avaliación
*Observacións de avaliación:
Para poder levar a cabo as prácticas de laboratorio de xeito virtual teranse en conta os seguintes aspectos.
- De forma previa ás sesións de “práctica de laboratorio” a docente gravará (serán colgadas na plataforma STREAM da materia dous días antes da devandita sesión) unha exposición sobre as características e aspectos técnicos fundamentais para a confección da férula e/ou do produto de apoio que toque tratar.
- Os estudantes conectaranse, mantendo os horarios e grupos establecidos ó inicio de curso para a consulta de dúbidas con respecto a confección da férula / produto de apoio a traballar durante a sesión.
- Na medida do posible, durante a sesión virtual, os estudantes amosarán o avance do seu traballo na elaboración da férula / produto de apoio, os materiais empregados e as medidas tomadas para a súa confección.
- Para facilitar todo o proceso ó alumnado, ó principio de curso cada estudante recibirá, por parte da docente, un conxunto dos materiais necesarios para a confección de férulas (velcros, acolchado adherente, acolchado non adherente e material termoplástico). Os alumnos serán responsables dese material e de traelo á aula, no caso de que se poidan manter as sesións presenciais, así como as outras ferramentas propias indicadas na guía docente.
- O final do cuadrimestre, os estudantes deberán entregar os traballos nunha caixa pechada, xunto co seu portafolios, nun espazo habilitado no edificio de Terapia Ocupacional. A data de entrega anunciarase coa antelación suficiente (antes das vacacións de Nadal) para a previsión dos estudantes.
- A avaliación desta metodoloxía constitúe o 60% da nota da materia. O estudante debe obter un mínimo de 4 puntos sobre 6 para superar esta parte.
Para a avaliación da metodoloxía “proba oral” ou “exame escrito online”, teranse en conta as seguintes especificacións:
- Será necesario que o estudante acade una puntuación mínima de 2 (sobre 4) para realizar o sumatorio coa cualificación que se obteña da avaliación de prácticas.
5. Modificacións da bibliografía ou webgrafía
- Non se contemplan modificacións. As obres e webs de referencia seguirán sendo aplicables no caso de aplicación do plan de continxencia.
|
Asignaturas
