O obxectivo deste curso é presentar aos alumnos os conceptos básicos do cálculo diferencial en varias variables e a programación matemática, que serán necesarios para a aprendizaxe doutras disciplinas do grao e para a súa carreira futura. O estudante deberá entender os conceptos básicos presentados e os resultados que os relacionan, e aplicar ese coñecemento de forma adecuada e rigorosa para resolver problemas prácticos. Farase unha énfase especial na aplicación dos contidos do curso a problemas de natureza económica e á interpretación dos resultados obtidos.
Tamén se pretende axudar os alumnos a desenvolver habilidades xenéricas, como a capacidade de análise e síntese, a capacidade de razoamento lóxico, a capacidade de resolución de problemas, o pensamento crítico, a aprendizaxe independente, ou a capacidade de recuperar e utilizar información de varias fontes.
Plan de continxencia
1. Modificacións no contidos
Escenario Semipresencial: Mantéñense os mesmos contidos.
Escenario Virtual: Elimínase o Tema 8: Programación Linear.
2. Metodoloxías
Escenario Semipresencial: As metodoloxías realizaranse parcialmente de forma virtual e parcialmente de forma presencial. As sesións de Aula estarán gravadas nos correspondeste grupos de Microsoft Teams.
Escenario Virtual: Todas as metodoloxías realizaranse de forma virtual, utilizando a aplicación Microsoft Teams. As sesións de Aula estarán gravadas nos correspondeste grupos de Microsoft Teams. En Moodle, unha sesión de aula tambén estará disponíbel a todos os grupos da materia.
3. Mecanismos de atención personalizada ao alumnado
Os mecanismos de atención personalizada ao alumno son sempre de forma virtual. Para iso utilizaranse as ferramentas disponíbeis: Microsoft Teams, E-mail, Moodle, ou Atención Telefónica.
4. Modificacións na avaliación
Escenario Semipresencial: Igual que escenario Presencial.
Escenario Virtual: Todas as probas previstas serán realizadas de forma telemática (se non fose posible a súa realización de forma presencial). Na proba obxectiva poderase mudar o seu formato para adaptar a mesma a súa realización virtual.
*Observacións de avaliación: No escenario virtual a proba final podería ter unha parte avaliada mediante unha proba de resposta múltiple. Podera-pedirse ao estudantado que faga unha defensa da proba escrita realizada. A non defensa da proba ou unha defensa non satisfatoria suporá unha puntuación de cero na proba.
5. Modificacións da bibliografía ou webgrafía.
A bibliografía básica está accesible como libro electrónico a través da biblioteca.
Todos os materiais da materia estarán disponíbeis en Moodle.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
