1) O
alumnado con dispensa académica terá a posibilidade de presentarse
exclusivamente á proba obxectiva final, nas datas sinaladas pola Xunta de
Centro, na que terá que resolver unha proba teórica de coñecementos e
enfrontarse a un suposto práctico. A valoración neste caso da proba final será
sobre 10 puntos. Nas convocatorias extraordinarias gardarase a nota da parte
que superase na convocatoria ordinaria, de ser o caso.

2) A
entrega das prácticas, documentos ou arquivos elaborados polos alumnos (e que
integrarán os seus portafolios individuais) farase exclusivamente a través de
Moodle e nos prazos fixados para cada unha delas.

3) De acordo
co artigo 11, apartado 4 b), do Regulamento disciplinar do
estudantado da UDC, o alumnado que incurra en fraude ou plaxio terá
cualificación de suspenso na convocatoria en que se cometa a falta e respecto
da materia en que se cometese: o/a estudante será cualificado como
"suspenso" (nota numérica 0) na convocatoria correspondente do curso
académico, tanto se a comisión da falta se produce na primeira oportunidadade
como na segunda. Para isto, procederase a modificar a súa cualificación na acta
de primeira oportunidade si fose necesario.