A cualificación será a suma das seguintes contribucións:

- proba mixta: hasta un máximo de 7 puntos

- actividades realizadas nas clases de resolución de problemas,
titorías, eventos científicos, probas obxectivas,  etc.: hasta un máximo de 1 punto;

- prácticas de laboratorio: hasta un máximo de 2 puntos.

Para superar a materia será necesario conseguir polo menos 5
puntos entre tódalas contribucións anteriores, coa restrición de que na proba
mixta será imprescindible obter un mínimo de 3.15 (sobre un máximo de 7) e nas
prácticas de laboratorio un mínimo de 0.8 (sobre un máximo de 2). No caso de
non acadar estes mínimos o alumnado estará suspenso. Cando se obteña unha suma
global superior a 5 puntos pero non se acade a nota mínima esixida nalgunha das
actividades, a calificación final será "suspenso: 4.5 puntos".

Dado que a cualificación se basea nun modelo de "avaliación
continua", valorarase especificamente a progresión do alumnado ao largo de
todo o semestre cun máximo de 1 punto.

Dacordo con esta metodoloxía de "avaliación continua",
non poderá figurar como "non presentado" o alumnado que teña
participado activamente nun conxunto de actividades que supoñan máis do 25% da
cualificación global.

Dentro do mesmo contexto de “avaliación continua” e dacordo co
contido do escrito “Probas de Avaliación e Actas de Cualificación de Grao e
Mestrado”, a chamada “segunda oportunidade de xullo” entendese como unha
segunda oportunidade de realización da proba mixta. No obstante, e se fora o
caso, o profesorado poderá incluír unha segunda parte sobre aspectos relativos
ás prácticas de laboratorio. Á cualificación así obtida sumaranse as
conseguidas durante o curso no resto das actividades (clases de solución de
problemas, seminarios, etc.). Os porcentaxes das distintas contribucións serán
os mesmos que na “primeira oportunidade”.

As matriculas de honra outorgaranse prioritariamente ao alumando
que teña superada a materia na primeira oportunidade. E só se outorgarán na
chamada “segunda oportunidade” se o número máximo daquelas non se cubriu na súa
totalidade na primeira.

No caso de circunstancias moi excepcionais, obxectivables
eaxeitadamente xustificadas (como no caso de estudiantes con dispensa académica
de exención de asistencia) o profesorado podería eximir total ou parcialmente
ao alumnado de concorrer no proceso de"avaliación continua". En
calquera caso, dito alumnado tería que someterse a un exame particular (ademáis
da proba mixta obrigatoria) que non deixase dúbidas sobre o seu nivel de
coñecementos, competencias, habilidades e destrezas, e que puntuará o 10% da
calificación global.

O proceso de ensino-aprendizaxe, incluída á avaliación, refírese a
un curso académico (isto implica que cada curso comeza un novo proceso,
incluidas tódalas actividades e procedementos de avaliación).

Finalmente, recordase que a realización fraudulenta dalgunha
actividades ou  proba esixida para a avaliación da materia será sancionada
cun suspenso conforme se recolle no Estatuto do Estudantado da UDC (artigo 35,
punto 3, https://www.udc.es/es/normativa/estudantes/estatuto_estudantado/index.html)