Os estudantes que se matriculen con dispensa académica, total ou parcial, deberán porse en contacto coa profesora, ao inicio da impartición da materia, para informarse do seu proceso de avaliación especial.

A actividade práctica consistirá na redacción e presentación oral dunha recensión crítica literaria. 

Tanto en xuño (1º oportunidade) como en xullo (2º oportunidade) haberá unha proba mixta.

A cualificación final será a nota media entre a parte teórica e a práctica.

Os estudantes que non superen a materia na primeira convocatoria, deberán entregar na altura da segunda edición ordinaria, nas datas marcadas aos efectos de avaliación pola Facultade de Filoloxía, os traballos que foren solicitados, e superar tamén aquelas probas (orais e/ou escritas) marcadas polo profesorado responsable da materia.

Todo traballo no que se detecte plaxio suporá unha cualificación de 0 na parte práctica. A docente ten á súa disposición a aplicación informática para detección de plaxios da UDC.