- A asistencia é obrigatoria. É necesario cumprir un mínimo do 70% para optar á avaliación final.

- Todos os apartados da avaliación deben ser aprobados para que poidan terse en conta na cualificación final. O resultado da cualificación final será a suma de cada apartado na súa porcentaxe correspondente.

- Os apartados da avaliación que fosen aprobados non será necesario repetilos na convocatoria seguinte (xullo), nin en convocatorias de seguintes cursos, sempre que se manteñan os mesmos criterios de avaliación. En caso dalgún cambio aplicarase a Guía Docente do curso en vigor.

- Todos os traballos deben ser presentados correctamente redactados e sen faltas de ortografía para poder ser avaliados.

- Todos os traballos deben respectar os seguintes aspectos formais: paxinación, tamaño de fonte 12, interlineado sinxelo e xustificación do texto.

- Todos os traballos deben aterse á estrutura seguinte: portada con título do traballo e autores, índice, introdución, obxectivos do traballo, desenvolvemento do traballo, conclusións e bibliografía. A ausencia ou incorrección de calquera destes apartados ocasiona o suspenso do traballo.

- O traballo tutelado entregarase escrito a man, respectando os aspectos formais e a estrutura. Débese utilizar o papel por ambas as dúas caras.

- O deseño do "Paseo Recreativo" entregarase en formato dixital, respectando os aspectos formais e a estrutura. Non se admite a entrega ao correo electrónico dos profesores.

- O ficheiro de xogos entregarase en formato dixital, respectando os aspectos formais e a estrutura. O ficheiro debe reunir as fichas de todos os xogos realizados nas sesións teóricas e prácticas da materia, clasificados segundo as sesións realizadas. O deseño da ficha debe conter, como mínimo, os seguintes apartados: nome do xogo, obxectivos que poden alcanzarse coa súa práctica, regras ou desenvolvemento, espazo necesario, material/é, unha variante proposta polos alumnos (como mínimo), imaxe, debuxo ou esquema.