Modalidades de avaliación

Estabelécense tres modalidades de avaliación:

1. Para as persoas que formen grupo (constituído por un mínimo de
catro persoas) e asistan regularmente ás aulas:

• Un traballo tutelado en grupo (50% da cualificación).
  Estabelécese unha puntuación mínima de 4 puntos sobre 10 para poder
  realizar a media co resto das cualificacións.


• A exposición oral do traballo, tamén en grupo (10% da
  cualificación).


• Unha tarefa de reflexión individual (40% da
  cualificación). Estabelécese unha puntuación mínima de 4 puntos sobre 10
  para poder realizar a media co resto das cualificacións.

As probas non superadas deben repetirse na oportunidade de xullo,
baixo as mesmas condicións que rexen na oportunidade de xaneiro.

Para esta modalidade de avaliación é requisito imprescindíbel a
asistencia regular ás aulas, para a que se fixa un mínimo do 80% sobre o conxunto
das sesións, incluídas as saídas de campo e os eventos científicos e
divulgativos. Ademais, será necesario realizar todas as actividades propostas
ao longo do curso, tanto para levar a cabo en grupo como individualmente. 

Ao longo do curso poderase propor algunha actividade opcional, que
suporá un pequeno incremento na nota final.

2. Para o alumnado con dispensa académica:

• Un traballo tutelado individual (60% da cualificación).
  Estabelécese unha puntuación mínima de 4 puntos sobre 10 para poder realizar
  a media coa outra proba.


• Unha tarefa de reflexión individual (40% da
  cualificación). Estabelécese unha puntuación mínima de 4 puntos sobre 10
  para poder realizar a media coa outra proba.

Para optar a esta modalidade de avaliación, o alumnado deberá pórse
en contacto coa docente nun prazo non superior a 7 días desde que lle sexa
concedido o recoñecemento de dispensa. Así mesmo, será necesario que realice
todas as actividades propostas ao longo do curso.

As probas non superadas deben repetirse na oportunidade de xullo,
baixo as mesmas condicións que rexen na oportunidade de xaneiro.

3. Para as persoas que non cumpran as condicións anteriores:

• Unha única tarefa individual: unha proba mixta (100% da
  cualificación). 

Para superar esta proba é necesario obter unha cualificación
mínima de 5 puntos sobre 10. De non se superar, debe repetirse na oportunidade
de xullo, baixo as mesmas condicións que rexen na oportunidade de xaneiro.

Entrega dos traballos

Os traballos entregaranse en formato dixital a través do Campus
Virtual.

Realización fraudulenta das probas

A realización fraudulenta das probas ou actividades de
avaliación, unha vez comprobada, implicará directamente a cualificación de
suspenso na convocatoria en que se cometa: a persoa será cualificada con “suspenso”
(nota numérica 0) na convocatoria correspondente do curso académico, tanto se a
comisión da falta se produce na primeira oportunidade como na segunda. Para
isto, procederase a modificar a súa cualificación na acta de primeira
oportunidade, se fose necesario.