Para superar a materia será necesario obter, como mínimo, unha puntuación de 5 (de 10) en ambas actividades de avaliación, e asistir ás sesións de aula coa debida regularidade (como mínimo o 80% do tempo total). Para máis información sobre estas actividades de avaliación, véxanse as follas explicativas publicadas no espazo da materia na plataforma Moodle.

Os traballos tutelados *non entregados* na primeira oportunidade poden ser entregados na segunda oportunidade sen que este feito inflúa na súa avaliación. Aplicaranse os mesmos criterios de avaliación en ambas oportunidades (e non será necesario presentarse ao exame).

IMPORTANTE: En caso de cometer un plaxio, ou de realizar de xeito fraudulento as probas ou outras actividades de avaliación, a cualificación final será
de suspenso na convocatoria en que se cometa a falta: o/a estudante será
cualificado/a
con “suspenso” (nota numérica 0) na convocatoria correspondente do curso
académico, tanto se a falta se produce na primeira
oportunidade como na segunda. De ser necesario, procederase a modificar
a súa
cualificación na acta da primeira ou da segunda oportunidade.

No caso de non poder asistir a clase coa debida regularidade, ou en caso de ter recoñecida a dispensa académica, a/o estudante en cuestión terá que presentarse a un exame final, e entregará unha das actividades de avaliación indicadas enriba (ou equivalente). Neste caso, o exame pesará ou ben o 40% ou ben o 60% da cualificación final, segundo o tipo de actividade entregado. Pero se non se entrega actividade ningunha, o exame pesará a totalidade da cualificación. A/O estudante pode decidir sobre o peso do exame mediante ditas opcións de entrega. O exame será de desenvolvemento, sen apuntes, e realizado durante o período establecido pola profesora. Excepcionalmente, o alumnado non-asistente pode realizar tarefas alternativas ao exame que serán determinadas pola profesora (se se estima aconsellábel esta opción). Manteranse estas mesmas condicións durante a segunda oportunidade.

Quen asiste a clase coa debida regularidade pero non obtén a puntuación mínima nalgunha das dúas actividades de avaliación terá que seguir as indicacións recollidas no parágrafo anterior para superar a materia. 

A presentación oral e os traballos tutelados *suspensos* non se poderán recuperar porque a primeira (a presentación oral) é elaborada en grupo e presentada ante o grupo interactivo, e o segundo (o traballo tutelado) non será avaliado máis dunha vez. A actividade suspensa será substituída polo exame final e aplicaranse os criterios de avaliación estipuladas no parágrafo anterior.

A avaliación do alumnado con matrícula a tempo parcial e/ou con recoñecemento de dispensa académica será igual que a do resto do alumnado: dependerá do grao e calidade de asistencia ás sesións de aula. Segundo cada caso, pode que a profesora lle pida á/ao estudante que entregue resumos das lecturas obrigatorias para compensar a falta de asistencia suficiente a clase.

O exame consistirá nunha proba mixta na que se especificará o peso de cada pregunta. Nas preguntas de resposta breve teranse en conta a pertinencia e precisión da resposta, a claridade conceptual, e a corrección gramatical. Nas preguntas de desenvolvemento teranse en conta a pertinencia e organización do contido, o dominio conceptual, a conexión entre ideas, a claridade expositiva, e a corrección gramatical. Para máis información sobre o exame, véxase a folla explicativa publicada no espazo da materia na plataforma Moodle.

Igualdade en perspectiva de xénero: Segundo se recolle nas distintas normativas de aplicación para a docencia universitaria, incorporarase a perspectiva de xénero nesta materia: usarase linguaxe non-sexista; utilizarase bibliografía de autoría de ambos sexos; propiciarase a intervención igualitaria de alumnas e alumnos nas sesións de aula; traballarase para identificar e modificar prexuízos e actitudes sexistas; e influirase na contorna para modificar ditos procesos discriminatorios e fomentar valores de respecto e igualdade, dentificando posíbeis situacións de discriminación por razón de xénero e propoñendo accións e medidas para corrixilas.